वारखंड सरपंचपदी पल्लवी परब बिनविरोध
वार्ताहर । गाेवन वार्ता
धारगळ :
पेडणे तालुक्यातील वारखंड -नागझर ग्रामपंचायतीच्या सरपंचपदी पल्लवी प्रसाद परब यांची बिनविरोध निवड झाली.
सोमवारी झालेल्या पंचायत मंडळाच्या बैठकीत ही निवड करण्यात आली. यावेळी पंच संतोष मावळणकर, मंदार परब, स्मिता बांदेकर, प्रदीप पाडलोसकर, संजय तुळसकर आणि प्रदीप कांबळी उपस्थित होते.
सरपंच प्रदीप कांबळी यांनी सरपंचपदाचा राजीनामा दिल्यानंतर सरपंच पद रिक्त होते. मंदार परब यांनी पल्लवी परब यांच्या नावाची सूचना केली. त्याला प्रदीप कांबळी यांनी अनुमोदन दिले. निवडणूक अधिकारी म्हणून पेडणे गटविकास कार्यालयातील विस्तार अधिकारी चंद्रहास देसाई यांनी काम पाहिले. त्यांना पंचायत सचिव मुकुंद उक्षेकर यांनी सहकार्य केले. सरपंच पल्लवी परब यांचे उपस्थित पंचांनी अभिनंदन केले.