गृह आधार, लाडली लक्ष्मी, ममतासाठी आधार सक्तीचे

13th January 2018, 02:25 Hrs
विशेष प्रतिनिधी | गोवन वार्ता
पणजी : गृह आधार, लाडली लक्ष्मी आणि ममता योजनेसाठी आधारकार्ड हा प्रमाणीकरणाचा पुरावा मानला जाईल. त्यासाठी हवी असलेली दुरुस्ती महिला आणि बाल कल्याण खात्याने केली आहे.
गोवा आधार वित्तीय आणि अनुदान सेवा लाभ कायदा २०१७ च्या कलम ४ प्रमाणे या तिन्ही योजनांच्या प्रमाणीकरणासाठी आधार क्रमांक सक्तीचा असेल.
गृहिणींसाठी असलेल्या गृह आधार योजनेच्या लाभार्थ्यांची संख्या १.५२ लाख झाली आहे. या योजनेसाठी दरवर्षी लाभार्थ्याने हयात असल्याचा दाखला द्यावा लागतो. आता सर्वांना आधार क्रमांक देणे सक्तीचे झाले आहे.
लाडली लक्ष्मी योजनेतून लाभ घेणाऱ्यांची संख्या सुमारे ५० हजारपर्यंत आहे. यापुढे आपल्या अर्जासोबत उमेदवाराने आधारकार्ड जोडणे सक्तीचे आहे. २०१२ मध्ये सुरू केलेल्या या योजनेसाठी सुमारे ६० हजार अर्ज आले होते. मुलगी झाल्यानंतर खात्यातर्फे ममता योजनेतून आर्थिक मदत केली जाते. त्यासाठीही यापुढे आधार कार्ड सक्तीचे केले आहे.
२०१२ मध्ये भाजप सरकार सत्तेवर आल्यानंतर मुख्यमंत्री मनोहर पर्रीकर यांनी गृहिणींना मदत म्हणून गृह आधार योजना मार्गी लावली होती. त्यावेळी १ हजार रुपये महिन्याला मानधन दिले जायचे. त्यानंतर २०१४ पासून मानधन १,२०० रुपये केले गेले. २०१६ पासून १,५०० रुपये मानधन केले गेले. या योजनेतील लाभार्थ्यांची संख्या १.५२ लाख झाली आहे.

Related news

कार्निव्हल पर्यटन वाढीसाठी वरदान

मंत्री बाबू आजगावकर यांचे प्रतिपादन : अन्न व संस्कृती महोत्सवाचे उद्घाटन Read more

साखळीत उद्या भव्य कोकणी भजन स्पर्धा

रवींद्र भवन येथे अायोजन : स्वागताध्यक्षपदी सभापती डाॅ. प्रमोद सावंत Read more