खास प्रतिनिधी। गोवन वार्ता
पणजी : म्हादईप्रश्नी गोव्याचे साक्षीदार परेश परोब यांनी मंगळवारी कर्नाटक व महाराष्ट्राच्या वकिलांनी घेतलेल्या उलटतपासणीत मुद्देसूद उत्तरे दिली. त्यानंतर लवादाने विचारलेल्या प्रश्नांवरही गोव्याची बाजू सविस्तरपणे मांडली. परोब यांची उलट तपासणी संपली असून बुधवारी शर्मिला मोंतेरा यांची साक्ष नोंदवली जाणार आहे. महाराष्ट्रातर्फे चुकीच्या पद्धतीने विचारलेल्या प्रश्नांची दखल घेत लवादानेच उत्तरे दिली. त्यानंतर विचारलेल्या तीन प्रश्नांना परोब यांनी योग्य उत्तरे दिली. लवादाने विचारलेल्या प्रश्नांना उत्तर देताना परोब यांनी म्हादईचे पाणी पर्यावरणासाठी व वन्यजीवांसाठी महत्त्वाचे असल्याचे म्हणणे लवादसमोर मांडले. सुनावणीवेळी आत्माराम नाडकर्णी, दत्तप्रसाद लवंदे, पूर्णा भंडारी, अक्षया नागळेकर, मयुरी चावला, राजेश शिवोलकर उपस्थित होते.
