Update
   सांगेचे संयुक्त मामलेदार-१ नाथन एल. आफोन्सो यांच्या निलंबनाचे आदेश   अर्थसंकल्पीय अधिवेशनापर्यंत कोळसा प्रदूषणाचा विषय निकालातः मुख्यमंत्री   मुरगावात आरोग्य सर्वेक्षणाची कार्लुस आल्मेदांची मागणी   आधार जोडणीची मुदत ३१ मार्चपर्यंत   दिवाणी न्यायालयाकडून ११९४ कूळ खटले निकालात   मांडवी नदीवरील तिस-या पुलाचे काम प्रत्यक्षात ६८ टक्के पूर्ण

सूचना पाळणा‌ऱ्यांनाच शॅकसाठी परवाना

पर्यटन खात्याच्या सूत्रांची माहिती : उत्तरेत २५७, दक्षिणेत ८९ शॅकना मान्यता

13th October 2017, 02:45 Hrs

पणजी : प्रतिनिधी
पर्यटन खात्याने समुद्र किनाऱ्यावर उभारण्यात येणाऱ्या शॅकमध्ये सीसीटीव्ही कॅमेरे, टॉयलेट, कचरा विल्हेवाट व इतर सुविधा देण्याची सूचना केली आहे. पर्यटन खात्याच्या सूचनांचे पालन करणाऱ्या शॅक चालकांना पर्यटन हंगामासाठी शॅक चालविण्यासाठी अंतिम ‘ना हरकत' दाखला दिला जाणार आहे, अशी माहिती सरकारी सूत्रांनी दिली.
पर्यटन खात्याने उत्तर गोव्यातील समुद्र किनाऱ्यावर आत्तापर्यंत २५७ शॅक उभारण्यासाठी मान्यता दिली आहे. उत्तर गोव्यात एकू्ण २५९ शॅक उभारली जाऊ शकतात. दक्षिण गोव्यातील समुद्र किनाऱ्यावर ८९ शॅक उभारण्यासाठी मान्यता दिली आहे. दक्षिण गोव्यात एकू्ण १०५ शॅक उभारली जाऊ शकतात, अशी माहिती सरकारी सूत्रांनी दिली.
पर्यटन खात्याने शॅकसाठी मार्गदर्शक तत्त्वे लागू केली आहेत. या तत्त्वांचे पालन करणाऱ्यांना पर्यटन हंगामासाठी व्यवसाय करण्यासाठी मान्यता दिली जाणार आहे. त्यामुळे पर्यटन खात्याने गोवा प्रदूषण नियंत्रण मंडळ आणि गोवा किनारी व्यवस्थापन प्राधिकरण यांच्या सहकार्याने नव्याने उभारण्यात आलेल्या शॅकची पाहणी सुरू केली आहे, असेही सूत्रांनी सांगितले.

बाटल्यावर बंदीची अद्याप अधिसूचना नाही
राज्यातील समुद्र किनाऱ्यावरील खासगी जागेत शॅक उभारणाऱ्या व्यावसायिकांनी प्रथम किनारी व्यवस्थापन प्राधिकरण आणि स्थानिक पंचायत यांच्याकडून शॅक उभारण्यासाठी मान्यता घेतली पाहिजे. त्यानंतर व्यावसायिकांनी शॅक उभारण्यासाठी पर्यटन खात्याकडे अर्ज केला पाहिजे, असेही सूत्रांनी स्पष्ट केले. समुद्र किनाऱ्यावर बॉटल्स नेण्यावर बंदी घालण्याचे संकेत पर्यटन मंत्री मनोहर आजगावकर यांनी दिले होते; परंतु बॉटल्स किनाऱ्यावर नेण्यावर बंदीसाठी अद्यापपर्यंत अधिसूचना जारी करण्यात आलेली नाही. बॉटल्सचा विषय अबकारी खात्याच्या अखत्यारित येतो, अशी माहिती पर्यटन खात्याच्या विश्वसनीय सूत्रांनी दिली. 

Related news

म्हापसा पालिका मंडळाची ८ रोजी बैठक

पोर्तुगीजकालीन मार्केट इमारत नूतनीकरण Read more

खादी ग्रामोद्योगच्या थकित कर्जांचा विषय निकाली काढणार

आमदार चर्चिल आलेमाव यांनी उपस्थित केला होता प्रश्न Read more

मोपा पंचायतीसमोर आज ग्रामस्थांचे धरणे

शाळेच्या मैदानावरील अतिक्रमण हटविण्याची मागणी Read more

Top News

कोळसा प्रदूषण कमी करा

विरोधक आक्रमक, सत्ताधारी आमदारांचेही पर्यावरणपूरक हाताळणीला समर्थन Read more

आयरिशचा अटकपूर्व जामीन फेटाळला

अजामीनपात्र कलम लागू करण्यापूर्वी कल्पना देण्याचे न्यायालयाचे आदेश Read more

घोगळ येथील कृष्णा रेस्टॉरंटला आग

अंदाजे दीड लाखांचे नुकसान Read more

तिहेरी तलाक ठरणार दंडात्मक

मुस्लिम महिला (विवाह अधिकाराचे संरक्षण) विधेयक २०१७' ला केंद्रीय मंत्रिमंडळाची मंजुरी Read more

लोकायुक्तांपुढे केवळ ४० पंचांचा आयकर तपशील

परताव्याची माहिती सादर करण्यास ९७ टक्क्यांपेक्षा अधिक लोकप्रतिनिधी अपयशी Read more