Update
   सरकारी कर्मचाऱ्याच्या कामात व्यत्यय, दीपक गडेकर याला २ महिने कैद   गोवा राज्य सहकारी बँकेच्या प्रशासकीय समितीवर तिघा सदस्यांची नियुक्ती   पश्चिम बंगालच्या नागरिकाकडून कळंगुट येथे ३० हजाराचा गांजा जप्त   रावणफोंड येथे बारमालकावर बिअर बाटल्यांनी हल्ला, हॉस्पिसियोत दाखल

खाण घोटाळा : इम्रान खानला कोठडी

14th September 2017, 02:44 Hrs
प्रतिनिधी
गोवन वार्ता
पणजी : गुन्हा अन्वेषण विभागाच्या विशेष तपास पथकाने बेकायदेशीर खाण प्रकरणी मंगळवारी अटक केलेला संशयित इम्रान खान याला येथील विशेष न्यायालयाने दोन दिवस पोलिस कोठडी ठोठावली आहे. तर खानने दाखल केलेल्या जामीन अर्जाची सुनावणी गुरुवारपर्यंत (दि. १४) तहकूब केली आहे.
विशेष तपास पथकाने संशयित इम्रान खानने अमेलिया फिगेर्डो याच्या नावावर असलेल्या सर्व्हे क्रमांक टीसी ६५/५१ या मालमत्तेची पाॅवर अाॅफ अॅटर्नी मिळवली आणि त्याने आपल्या नावावर पर्यावरण दाखला मिळवून २००७ ते
२०१२ साली खाण व्यवसाय सुरू करून कोट्यवधी रुपयांचे बेकायदेशीर उत्खनन केले असल्याचा आरोप त्याच्यावर आहे.
या प्रकरणी विशेष न्यायालयात जामीन अर्जाच्या सुनावणी वेळी सरकारी वकील जी. डी. किर्तनी यांनी आक्षेप घेऊन संशयिताने बनावट पर्यावरण दाखल्याच्या आधाराने फसवणूक करून २००७ ते २०१२ पर्यंत सुमारे ९ लाख मेट्रिक टनाचे खनिज वाहतूक केल्याची माहिती खाण खात्यात असून, संबंधित खनिज त्याने सर्व्हे क्रमांक टीसी ६५/५१ या मालमत्तेतून उत्खनन केल्याचा दावा केला आहे. तसेच संशयिताने केलेल्या व्यवहाराचे दस्तावेज जप्त करून मुळापर्यंत जाण्यासाठी त्याला कोठडी देण्याची आवश्‍यकता अाहे. संशयिताची जामिनावर सुटका केल्यास तो साक्षीदारांवर दबाव आणू शकेल, असा युक्तिवादही सरकारी वकील किर्तनी यांनी केला.
आपल्या अशिलावर दाखल करण्यात आलेले कलम हे अजामीनपात्र अाहे, तसेच आपला अशील हा वाहतूकदार आहे. संशयित सरकारी अधिकारी नसून, त्याच्यावर दाखल केलेले कलम लागू होत नाही, असा युक्तिवाद संशयितातर्फे अॅड. नितीन सरदेसाई यांनी केला आहे.
नावाचा गैरवापर : दिगंबर कामत
माजी मुख्यमंत्री तथा मडगावचे आमदार दिगंबर कामत यांनी संशयित इम्रान खान या प्रकरणात आपली बदनामी करण्यासाठी आपल्या नावाचा गैरवापर करीत आहे, असा आक्षेप घेतला. संशयित खान याचा आणि आपला काहीच संबंध नसल्याचा दावा कामत यांनी पत्रकाद्वारे केला आहे.

Related news

कोलवाळ थांब्याचे छत उडाल्याने गैरसोय

 प्रवाशांतून तत्काळ दुरुस्तीची मागणी Read more

कोलवाळ थांब्याचे छत उडाल्याने गैरसोय

 प्रवाशांतून तत्काळ दुरुस्तीची मागणी Read more

Top News

कॅशलेस : पोलिसांना द्यावा लागेल जबाब

कॅसिनोंतील जागृतीसाठीच्या उपाययोजनाही कराव्या लागणार स्पष्ट : कृती अहवाल पाठविण्यासाठी केंद्रीय गृह मंत्रालयाकडून गुरुवारपर्यंतची मुदत Read more

राज्य सहकारी बँकेवर आजपासून प्रशासक

 त्रिसदस्यीय मंडळाची नेमणूक : संचालक मंडळाचा राज्य सरकारवर असहकार्याचा ठपका Read more

बाबल कवळेकरांच्या आजच्या जबाबाकडे राज्याचे लक्ष

अटकपूर्व जामीन अर्जावरही आजच सुनावणी Read more