मोरजी येथील पांडुरंग पुरखे यांच्यावर खुनी हल्ला

12th September 2017, 03:21 Hrs

प्रतिनिधी
गोवन वार्ता
पेडणे : कान्नायिक‍वाडा, मोरजी येथील पांडुरंग पुरखे यांच्यावर ११ रोजी रात्री तेम्बवाडा क्रीडा मैदानाजवळ खुनी हल्ला करण्यात आल्याची घटना घडली. गंभीर अवस्थेत त्यांना बांबोळी येथे उपचारासाठी दाखल करण्यात आले.
मिळालेल्या माहितीनुसार पांडुरंग राजाराम पुरखे जेवल्यानंतर नियमित फिरायला जातात. शिरोडकर वाडा ते फुटबाल मैदानपर्यंत चालून आल्यानंतर मागच्या बाजूने दोघे धावून आले आणि कोयत्याने त्यांच्यावर खुनी हल्ला केला. अचानक झालेल्या हल्ल्यात त्यांनी आरडाओरडा केला. मात्र, आजूबाजूला कोणीही नसल्याने जखमी अवस्थेतच ते घरी आले. त्यांना सुरुवातीला शिवोली आरोग्य केंद्रात नेण्यात आले. तेथून त्यांना जिल्हा हॉस्पिटल म्हापसा येथे पाठवले. तिथे प्राथमिक उपचार करून गोवा मेडिकल कॉलेजमध्ये पाठवण्यात आले. पांडुरंग राजाराम पुरखे हे सुतारकाम करतात. रात्री जेवल्यानंतर ते नियमित फिरायला जातात. आजही ते रात्री दहानंतर फिरायला गेले होते. त्यावेळी त्यांच्यावर हा प्राणघातक हल्ला झाला. पेडणे पोलिस घटनास्थळी जाऊन काही पुरावे मिळतात काय याचा रात्रीपर्यंत तपास घेत होते.

Top News

चारशे पदांना सरकारची मंजुरी

मुख्यमंत्र्यांच्या नेतृत्वाखालील समितीचा निर्णय Read more

खाण प्रश्नाबाबतची बैठक लांबणीवर

अवलंबितांत निराशा; आमदारांची आज मुख्यमंत्र्यांशी चर्चा Read more

आराडी-बांध येथील नळ कोरडे; मोर्चाची तयारी

पाणी विभागावर मोर्चा आणून अधिकाऱ्यांना घेराव घातला जाईल, असा इशारा या रहिवाशांनी दिला आहे. Read more

राज्यातील सर्व खाणी सुरक्षित

पावसाळ्यातील खाण सुरक्षेचा सचिवांकडून आढावा Read more