राफेल नदाल अंतिम फेरीत

यूएस ओपन २०१७ : उपांत्य फेरीत डेल पोत्रोचा ४-६, ६-०, ६-३, ६-२ ने पराभव

09th September 2017, 05:41 Hrs
न्यूयॉर्क : स्पेनचा दिग्गज खेळाडू राफेल नदाल तिसरा अमेरिकन ओपन किताब आणि १६व्या ग्रँड स्लॅमपासून एक पाऊल दूर आहे. यूएस ओपनच्या उपांत्य सामन्यात त्याने युआन मार्टिन डेल पोत्रोचा पराभव करत अंतिम फेरी गाठली.
न्यूयॉर्कमध्ये २०१० आणि २०१३ साली किताब जिंकणाऱ्या ३१ वर्षीय नदालने डेल पोत्रोचा उपांत्य फेरीत ४-६, ६-०, ६-३, ६-२ने पराभव केला. आता नदाल आपल्या कारकीर्दीतील २३व्या आणि या वर्षात तिसऱ्यांदा ग्रँड स्लॅमच्या अंतिम फेरीत खेळणार आहे. या वर्षी त्याने विक्रमी १०वा फ्रेंच ओपन किताब आपल्या नावावर केला आहे.
रविवारी होणाऱ्या अंतिम फेरीत जागतिक क्रमवारीत पहिल्या स्थानावरील या खेळाडूचा सामना ३२व्या क्रमांकावरील केविन अँडरसनशी होणार. ग्रँड स्लॅमच्या ५२ वर्षांच्या इतिहासात पहिल्यांदाच एखाद्या दक्षिण आफ्रिकेच्या खेळाडूने स्थान मिळवले आहे.
उपांत्यपूर्व फेरीत ४ सेटमध्ये टेनिसचा बादशाह रॉजर फेडररचा पराभव करणारा २००९चा चॅम्पियन डेल पोत्रो उपांत्य फेरीतील सामन्यात खूपच दमलेला दिसून येत होता. त्याने पहिला सेट जिंकला मात्र यानंतर तो खूपच दमलेला दिसून आला व नदालची ताकद आणि चपळता याचे त्याच्याकडे उत्तर नव्हते. नदालने या सामननयात ४५ विनर्स लगावले आणि २० सहज चुका केल्या तर डेल पोत्रो केवळ २३ विनर्स लगाऊ शकला व त्याने ४० सहज चुका केल्या.

दुसऱ्या एका उपांत्य फेरीच्या सामन्यात अँडरसनने स्पेनच्या १२व्या क्रमांकावरील पाब्लो करेनो बुस्ताचा ५-६, ७-५, ६-३, ६-४ने पराभव करत पहिल्यांदाच एखाद्या ग्रँड स्लॅमच्या अंतिम फेरीत प्रवेश केला आहे. रविवारी होणाऱ्या अंतिम फेरीत नदालला प्रबळ दावेदार मानले जात आहे. त्याने अँडरसन​विरुद्ध झालेल्या चारही सामन्यात विजय मिळवलेला आहे. मात्र स्पेनच्या या दिग्गज खेळाडूने हा सामना सहज घेणार नसल्याचे स्पष्ट केले आहे.
दुहेरीत जीन - होरिया अजिंक्य
नेदरलँडच्या जीन ज्युलियन रॉजर आणि रोमानियाच्या होरिया तेकाऊने अमेरिकन ओपनच्या पुरुषांच्या दुहेरीचा किताब आपल्या नावावर केला. या १२व्या क्रमांकावरील जोडीने फेलिसियानो लोपेज आणि मार्क लोपेज या स्पेनच्या ११व्या क्रमांकावरील डिचा ६-४, ६-३ अशा सरळ सेटमध्ये पराभव करत पहिल्यांदाच अमेरिकन ओपन किताब आपल्या नावावर केला.

Top News

चारशे पदांना सरकारची मंजुरी

मुख्यमंत्र्यांच्या नेतृत्वाखालील समितीचा निर्णय Read more

खाण प्रश्नाबाबतची बैठक लांबणीवर

अवलंबितांत निराशा; आमदारांची आज मुख्यमंत्र्यांशी चर्चा Read more

आराडी-बांध येथील नळ कोरडे; मोर्चाची तयारी

पाणी विभागावर मोर्चा आणून अधिकाऱ्यांना घेराव घातला जाईल, असा इशारा या रहिवाशांनी दिला आहे. Read more

राज्यातील सर्व खाणी सुरक्षित

पावसाळ्यातील खाण सुरक्षेचा सचिवांकडून आढावा Read more