चौघांच्या मंत्रिपदावर टांगती तलवार; तरीही फाईल्सची हाताळणी सुरूच

विजय, रोहन, जयेश, विनोद यांनी मंत्रालयात मात्र येणे टाळले

12th July 2019, 03:42 Hrs


विशेष प्रतिनिधी । गोवन वार्ता
पणजी : नगरनियोजनमंत्री विजय सरदेसाई, महसूलमंत्री रोहन खंवटे, गृहनिर्माण मंत्री जयेश साळगावकर, जलस्रोतमंत्री विनोद पालयेकर यांनी गुरुवारी मंत्रालयात येण्याचे टाळले; पण या सर्वांच्या खात्यातील फाईल्सची हाताळणी नेहमीप्रमाणेच सुरू होती. १० काँग्रेस आमदारांनी वेगळा गट तयार करून तो भाजपमध्ये विलीन केल्यानंतर या चार मंत्र्यांना डच्चू मिळण्याची शक्यता आहे.
बुधवारी राज्यात झालेल्या राजकीय भूकंपानंतर अद्याप मुख्यमंत्र्यांकडून फाईल हाताळणी स्थगित करण्याची सूचना आलेली नाही. त्यामुळे बुधवार व गुरुवार असे दोन्ही दिवस विद्यमान मंत्र्यांनी आपले खात्यांचे कामकाज सुरूच ठेवले होते. डच्चू मिळण्याची शक्यता असलेल्या चारही मंत्र्यांनी गुरुवारी मंत्रालयात येण्याचे टाळले; पण आवश्यक व महत्त्वाच्या फाईल्स हातावेगळ्या करण्याचे निर्देश त्यांनी आपापल्या खाते प्रमुखांना दिले होते.
रोहन खंवटे यांच्याकडे महसूल, माहिती तंत्रज्ञान, कामगार अशी खाती आहेत. त्यांनी बुधवारी सक्रियपणे काम केले; पण गुरुवारी ते मंत्रालयात आले नाहीत. विजय सरदेसाई यांनी बुधवारी नियोजन मंडळाची बैठक घेतली, त्यावेळी अनेक महत्त्वाच्या फाईल्सही त्यांनी हातावेगळ्या केल्या. गुरुवारी त्यांनी मंत्रालयात येण्याचे टाळले; ते मडगावमध्येच होते.
जयेश साळगावकर आणि विनोद पालयेकर हे बुधवारी मंत्रालयात होते. त्यांनी विजय सरदेसाई यांच्यासोबत चर्चाही केली. काही किरकोळ फाईल्स त्यांनी हाताळल्या.
दरम्यान, या चारही मंत्र्यांच्या खात्यातील फाईल्सची हाताळणी नेहमीसारखीच सुरू होती. कुठल्याच प्रकारचे निर्देश वरिष्ठ पातळीवरून देण्यात आले नव्हते. त्यामुळे फाईल्स हाताळणी स्थगित ठेवली नाही, असे सरकारच्या वरिष्ठ अधिकाऱ्याने सांगितले.

...म्हणून मंत्रालयात गेलेच नाहीत
आपल्याला मंत्रिमंडळातून वगळण्यात येईल, याची कुणकुण लागल्यामुळे या चारही मंत्र्यांनी आपल्या खासगी कार्यालय व घरातून काही कामकाज केले. गुरुवारीच नव्या मंत्र्यांचा शपथविधी होईल, या शक्यतेमुळे ते मंत्रालयात गेलेच नाहीत.                   

Related news

चिरे खाणींच्या खंदकांवर सुरक्षात्मक उपाय करा

खाण खात्याचा आदेश; २० ऑक्टोबरपर्यंत मुदत Read more

अवैध रेती, चिरे खाणी; खाण खाते लक्ष्य

इतर खात्यांच्या असहकार्याचा फटका; प्रभावी तोडगा काढण्यासाठी उचलली पावले Read more

गोमेकॉतील भरतीबाबत अस्पष्टता

३० हजार उमेदवारांचे भवितव्य अनिश्चित; खाते प्रमुखही बुचकळ्यात Read more

Top News

चतुर्थीपूर्वी राज्यातील सर्व रस्ते होणार खड्डेमुक्त

सार्वजनिक बांधकाममंत्री दीपक प्रभू पाऊस्कर यांचे आश्वासन; लवकरच कामाला सुरुवात Read more

अवैध रेती, चिरे खाणी; खाण खाते लक्ष्य

इतर खात्यांच्या असहकार्याचा फटका; प्रभावी तोडगा काढण्यासाठी उचलली पावले Read more

चिरे खाणींच्या खंदकांवर सुरक्षात्मक उपाय करा

खाण खात्याचा आदेश; २० ऑक्टोबरपर्यंत मुदत Read more