न्यूझीलंडचा शनिवारी श्रीलंकेशी सामना

31st May 2019, 02:00 Hrs

कार्डिफ : गतवर्षीचा उपविजेता संघ न्यूझीलंड आयसीसी विश्वचषकात आपल्या अभियानाची सुरुवात खराब फॉर्ममध्ये असलेल्या न्यूझीलंडविरुद्ध शनिवारी करणार आहे. सहा वेळा उपांत्य सामन्यात पराभूत झाल्यानंतर न्यूझीलंड २०१५ साली विश्वचषकाच्या अंतिम फेरीत दाखल झाला होता. अंतिम फेरीत त्यांना ऑस्ट्रेलियाकडून पराभूत व्हावे लागले होते.
यानंतर ब्रँडन मॅक्यूलमच्या स्थानावर केन विलियम्सनकडे संघाची सूत्रे सोपवण्यात आली मात्र २०१५ सालातील संघात मोठे बदल झाले नाहीत. मागच्या विश्वचषकानंतर न्यूझीलंड जागतिक क्रमवारीत दुसऱ्या स्थानावर पोहोचला. विश्वचषकापूर्वी झालेल्या सराव सामन्यात न्यूझीलंडने भारताला नमवले होते तर वेस्ट इंडिजविरुद्ध त्यांना पराभूत व्हावे लागले होते.
न्यूझीलंडचा सर्वांत अनुभवी खेळाडू रॉस टेलर शानदार फॉर्ममध्ये आहे व मागच्या वर्षी त्याने ९० पेक्षा जास्त सरासरीने धावा केल्या आहेत. दुसरीकडे विलियम्सन व मार्टिन गप्टिलही खतरनाक फलंदाज आहेत. गोलंदाजीवर लक्ष टाकल्यास ट्रेंट बोल्ट, कॉलिन डी ग्रँडहोम व टीम साउथीवर जलदगती गोलंदाजीचा दारोमदार राहणार आहे. फिरकीची जबाबदारी ईश सोढी व मिशेल सेंटनरवर असणार आहे
न्यूझीलंडचे पारडे १९९६ सालचा चॅम्पियन मात्र सध्या नवव्या स्थानावर असलेल्या श्रीलंकेच्या तुलनेत जड आहे. लंकेचा नवा कर्णधार दिमुथ करूणारत्ने चार वर्षानंतर एकदिवसीय संघात परतला आहे व मागच्या ९ एकदिवसीय सामन्यांपैकी श्रीलंकेने ८ एकदिवसीय सामने गमावलेले आहेत.

Top News

चतुर्थीपूर्वी राज्यातील सर्व रस्ते होणार खड्डेमुक्त

सार्वजनिक बांधकाममंत्री दीपक प्रभू पाऊस्कर यांचे आश्वासन; लवकरच कामाला सुरुवात Read more