मडगाव ओडीपी बिल्डरांचे हित साधणारा

काँग्रेसचा आरोप; तत्काळ रद्द करण्याची सरकारकडे मागणी

16th March 2019, 03:19 Hrs

प्रतिनिधी। गोवन वार्ता
पणजी : मडगावसाठीचा ओडीपी (बाह्य विकास आराखडा) बेकायदा असून, तो बिल्डरांचे हित साधणारा आहे. त्यामुळे तो तत्काळ रद्द करावा, अशी मागणी काँग्रेसचे प्रवक्ते तुलियो डिसोझा यांनी शुक्रवारी पणजीत घेतलेल्या पत्रकार परिषदेत केली.
यावेळी त्यांच्यासमवेत काँग्रेसचे दक्षिण गोवा अध्यक्ष ज्याे डायस, गट समितीच्या अध्यक्ष पिएदाद नोरोन्हा, सुभाष फळदेसाई आदी उपस्थित होते. डिसोझा म्हणाले, मडगावसाठीचा ओडीपी सरकारने केवळ स्वत:च्या स्वार्थासाठीच तयार केला होता. त्यामुळेच त्याला घाईगडबडीत आणि केवळ एका आठवड्यात मंजुरी मिळवून देण्यात आली. नगर नियोजन कायद्याच्या कलम ३९/१ नुसार पहिल्या ओडीपीत किरकोळ बदल करता येतील, असे म्हटलेले असतानाही मडगावसाठीच्या ओडीपीत मोठे बदल करण्यात आले आहेत. सरकारकडून ओडीपीची संपूर्ण प्रक्रियाच चुकली असल्याने तो तत्काळ रद्द करणेच योग्य ठरेल, असे डिसोझा म्हणाले.

काँग्रेस न्यायालयात जाणार
मडगाव ओडीपीला विरोध करणाऱ्यांपैकी अनेकजण न्यायालयात धाव घेणार आहेत. काँग्रेसही या संदर्भातील पूर्ण अभ्यास करून न्यायालयात जाणार आहे. कारण या ओडीपीमुळे अनेकांच्या जमिनी सरकारच्या घशात जाणार आहेत, असेही तुलियो डिसोझा यांनी स्पष्ट केले.        

Related news

मोरजीत शौचालयाच्या दुर्गंधीमुळे स्थानिकांत संताप

दोन दिवसांत उपाययोजना न केल्यास रस्त्यावर उतरण्याचा इशारा Read more

इस्राईल दौरे नको, कृषी अभ्यासक्रमच हवा

लोबो यांचा कृषीमंत्र्यांना सल्ला; कळंगुटमध्ये २७ शेतकऱ्यांचा सत्कार Read more

वीज वाहिनी व्यापणार पश्चिम घाटातील १७७ हेक्टर जागा

धारवाडमधून गोव्यात ४०० केव्हीची नवी वाहिनी Read more

Top News

दोन दिवसांत १५ लाखांचा माल जप्त

वजन-माप खात्याची सांकवाळमध्ये कारवाई; नोंदणी प्रमाणपत्र न घेताच पॅकिंग Read more

मांद्रेतील अपघातात एक ठार

दुचाकी-चारचाकी वाहनांमध्ये धडक; एक गंभीर जखमी Read more

मतमोजणी केंद्रांवर चोख सुरक्षा व्यवस्था

केंद्रीय गृह मंत्रालयाच्या सूचनेनुसार गोवा पोलिसांची कार्यवाही Read more

इस्राईल दौरे नको, कृषी अभ्यासक्रमच हवा

लोबो यांचा कृषीमंत्र्यांना सल्ला; कळंगुटमध्ये २७ शेतकऱ्यांचा सत्कार Read more