प्रतिनिधी। गोवन वार्ता
मडगाव : मडगाव पालिका उद्यानात गांजाचे सेवन करताना करिअप्पा देवाप्पा (२३) याला शहर पोलिसांनी गुरूवारी अटक केली. त्याच्याकडे ५२ ग्रॅमचा १५ हजार रुपये किमतीचा गांजा सापडला आहे. पोलिस उपनिरीक्षक सागर धार्भाटकर यांनी ही कारवाई केली.
पोलिसांनी दिलेल्या माहितीनुसार, संशयित आरोपी पालिका उद्यानात बसून गांजाचे सेवन करण्याबरोबर गांजाची विक्री करीत असल्याची माहिती पोलिसांना मिळाली होती. त्यानुसार पोलिसांनी त्याला पकडण्यासाठी उद्यानात सापळा रचून ठेवला होता. दुपारी १ वाजता तो पाेलिसांच्या जाळ्यात सापडला. या प्रकरणी पुढील तपास चालू आहे.
