घरावर आंब्याचे झाड पडून नुकसान


15th March 2019, 06:04 pm


काणकोण : पैंगीण येथे बुधवारी मध्यरात्री एक मोठे आंब्याचे झाड वेलवाडा येथील दीपक नाईक यांच्या घरावर उन्मळून पडले. यामुळे घराचे सुमारे दीड लाख रुपयांचे नुकसान झाले आहे. छताचे वासे, कौले व भिंतीचा काही भाग या झाडामुळे कोसळला, अशी माहिती काणकोण अग्नीशमन कार्यालयाने दिली. सुदैवाने रात्री घरावर झाड पडूनही घरातील कोणालाही जखमी झाला नाही. गुरुवारी सकाळी अग्नीशमन दलाच्या जवानांनी झाड घरावरुन हटविले. काणकोणचे आमदार इजिदोर फर्नांडिस, पैंगीणचे पंच प्रवीर भंडारी व इतरांनी घटनास्थळाला भेट देऊन कुटुंबाची चौकशी केली.