बांगलादेशविरुद्ध न्यूझीलंडचा मालिका विजय

12th March 2019, 02:57 Hrs

वेलिंगटन : शॉर्ट पिच गोलंदाजीचा तज्ञ नील वॅगनरच्या शानदार गोलंदाजीच्या जोरावर न्यूझीलंडने बांगलादेशला मंगळवारी दुसऱ्या कसोटीच्या पाचव्या दिवशी डाव व १२ धावांनी पराभूत करत तीन सामन्यांच्या मालिकेत अपराजीत आघाडी घेतली आहे. या सामन्यातील पहिले दोन दिवस पावसामुळे वाया गेले होते.
मालिकेत न्यूझीलंडने २-० अशी अपराजीत आघाडी घेतली असून आहे. न्यूझीलंड प्रथमच सलग पाच मालिका जिंकण्यात यशस्वी झाला आहे. यजमानांनी मालिकेतील पहिला कसोटी सामना डाव व ५२ धावांनी जिंकला होता.
वॅगनरच्या घातक बाउंसरचे उत्तर बांगलादेशच्या फलंदाजांकडे नव्हते. त्याने सामन्याच्या दुसऱ्या डावात ४५ धावा देत ५ गडी बाद केले. त्याच्या या घातक गोलंदाजीमुळे बांगलादेशचा संपूर्ण संघ २०९ धावांत आटाेपला. बांगलादेशने पहिल्या डावात सर्वबाद २११ धावा केल्या होत्या. प्रत्युत्तरात न्यूझीलंडने सामनावीर रॉस टेलरच्या (२००) द्विशतकाच्या जोरावर सहा बाद ४३२ धावा करत डावाची घोषणा केली.
वॅगनरला ट्रेंट बोल्टची चांगली सोबत मिळाली. त्याने ५२ धावा देत चार गडी बाद केले. बांगलादेशने पाचव्या दिवशी तीन बाद ८० धावांवरून पुढे खेळण्यास सुरुवात केली, मात्र कर्णधार महमुदुल्लाह व महम्मद मिथून (४७) वगळता त्यांचे इतर फलंदाज खेळपट्टीवर टिकण्यात अपयशी ठरले. महमुदुल्लाहने ६९ चेंडूत ६७ धावा केल्या परंतु आपल्या संघाला डावाच्या पराभवाने वाचवू शकला नाही. तिसरा व अंतिम सामना शनिवारी ख्राईस्टचर्चमध्ये खेळवण्यात येणार आहे.
संक्षिप्त धावफलक :
बांगलादेश : प. डाव : सर्वबाद २११, दु. डाव सर्वबाद २०९ धावा : महम्मद मिथून झे. साउथी गो. वॅगनर ४७, सौम्य सरकार झे. टेलर गो. बोल्ट २८, महमुदुल्ला झे. बोल्ट गो. वॅगनर ६७, अबू झायद (नाबाद) ०. गोलंदाजी : ट्रेंट बोल्ट १६-५-५२-४, नील वॅगनर १४-४-४५-५.
न्यूझीलंड : प. डाव : ६ बाद ४३२ धावा (घोषित) : केन विलियम्सन झे. गो. तैजूल ७४, रॉस टेलर झे. दास गो. मुस्तफिजूर २००, हेन्री निकोल्स त्रि. गो. तैजूल १०७, कॉलिन डी ग्रँडहोम (नाबाद) २३.
गोलंदाजी : अबू झायद १८.२-२-९४-३, तैजूल इस्लाम २१-०-९९-२.    

Top News

नव्या मुख्यमंत्र्यांना सहकार्य, लोकविरोधी निर्णयांना मात्र विरोध

काँग्रेस प्रदेशाध्यक्ष गिरीश चोडणकर यांच्याकडून स्पष्ट Read more

काँग्रेसतर्फे रविवारपासून ‘चलो गाव चले’

उत्तर गोव्यातील सर्वच मतदारसंघांत आयोजन; ३० रोजी समारोप Read more

लोकसभा निवडणुकीत भाजपला धडा शिकवू

मगोचे जेष्ठ नेते एकनाथ नागवेकर यांचा इशारा Read more

चांगले उमेदवार मिळाल्यास अन्य मतदारसंघातही पोटनिवडणूक लढू

मगोकडून भूमिका स्पष्ट; निवडणूक न लढल्यास पक्षाचेच नुकसान Read more

कुठल्याही क्षणी नव्या मुख्यमंत्र्यांचा शपथविधी!

राज्यात घटनात्मक पेचप्रसंगाची स्थिती, काँग्रेसचा आज पुन्हा सत्ता स्थापनेचा दावा Read more