दाबोळीत १८ लाखांचे सोने जप्त

दुबईहून आलेल्या महिलेला घेतले ताब्यात

12th February 2019, 06:46 Hrs

प्रतिनिधी । गोवन वार्ता

वास्को : दुबईहून एअर इंडियाच्या विमानाने दाबोळी विमानतळावर उतरलेल्या एका महिलेकडून अबकारी अधिकाऱ्यांनी सुमारे १८ लाख ८ हजार ८४० रुपये किंमतीचे सोने हस्तगत केले. हे सोने लगाद्याच्या स्वरूपात होते. हस्तगत केलेल्या सोन्याचे वजन ५९० ग्रॅम आहे. याप्रकरणी पुढील तपास चालू आहे.

संशयित महिला एअर इंडियाच्या ९९५ विमानातून दुबईहून गोव्यात आली होती. या महिलेची हालचाल संशयास्पद वाटल्याने अबकारी अधिकाऱ्यांनी ‌तिची झडती घेतली. यावेळी तिने जीन्स् पँटमध्ये लगद्याच्या स्वरूपात सोने लपवून आणल्याचे उघडीस आले. या महिलेने सोन्याचा लगदा तयार करून तो कमरपट्ट्याच्या आकाराच्या एका लांबट पॉलिथिन पिशवीमध्ये भरला. ही लगदा भरलेली पिशवी तिने पँटचा कमरपट्ट्याच्या भागात अतिशय खुबीने लपवली होती. पण ही चलाखी अबकारी अधिकाऱ्यांच्या सतर्कतेमुळे फोल झाली. ‘अबकारी कायदा १९६२’अंतर्गत संशयित महिलेला ताब्यात घेण्यात आले आहे. 

अबकारी विभागाचे आयुक्त आर. मनोहर यांच्या मार्गदर्शनाखाली उपआयुक्त डॉ. राघेवेंद्र पी यांच्या नेतृत्वाखाली ही कारवाई करण्यात आली. दरम्यान, एप्रिल २०१८ पासून आतापर्यंत २३६.५ लाख रुपयांचे सोने तसेच ६७.५ लाखांचे विदेशी चलन तस्करी करताना पकडले आहे.

Related news

मोरजीत शौचालयाच्या दुर्गंधीमुळे स्थानिकांत संताप

दोन दिवसांत उपाययोजना न केल्यास रस्त्यावर उतरण्याचा इशारा Read more

तेंडुलकरांनी खासदार निधीतून दिलेल्या अत्याधुनिक अग्निशमन वाहनाचा शुभारंभ

औद्योगिक वसाहतीसाठी वाहन उपयुक्त ठरणार : मुख्यमंत्री डॉ. सावंत Read more

पणजी, म्हापसा, वास्को ओडीपींत २०० कोटींचा घोटाळा

आराखडे तात्काळ रद्द करून दोषींवर कारवाई करा : गिरीश चोडणकर Read more

Top News

चतुर्थीपूर्वी राज्यातील सर्व रस्ते होणार खड्डेमुक्त

सार्वजनिक बांधकाममंत्री दीपक प्रभू पाऊस्कर यांचे आश्वासन; लवकरच कामाला सुरुवात Read more