नियोजित प्रकल्प मार्गी लावणार : फालेरो

नावेलीत २० जणांना ‘लाडली लक्ष्मी’चे धनादेश

13th January 2019, 06:09 Hrs



प्रतिनिधी। गोवन वार्ता
मडगाव : नावेली मतदारसंघात सरकारच्या लाडली लक्ष्मी योजनेचा बहुसंख्य महिलांना लाभ झालेला आहे. या योजनेंतर्गत समाज कल्याण खात्याने लाडली लक्ष्मीचे बरेच अर्ज मंजूर केलेले आहेत. टप्प्या-टप्प्याने त्यांचे धनादेश वितरीत केले जाणार आहेत. तसेच नावेलीतील सर्व नियोजित प्रकल्प मार्गी लावणार असल्याचे आमदार लुईझिन फालेरो यांनी शनिवारी येथे सांगितले.
नावेली येथील आरोग्य केंद्राच्या आवारात समाज कल्याण खात्यातर्फे लाडली लक्ष्मी योजनेच्या धनादेश वितरणाचा कार्यक्रम आयोजित करण्यात आला होता. त्यावेळी फालेरो बोलत होते. या कार्यक्रमात नावेली मतदारसंघातील २० महिलांना लाडली लक्ष्मी योजनेचे धनादेश वितरीत करण्यात आले.
नावेली मतदारसंघात सरकारच्या सहकार्याने आरोग्य सेवा सुधारण्यात आलेली आहे. या छोट्या आरोग्य केंद्रात तज्ज्ञ डॉक्टर्स व परिचारीका नियुक्त करण्यात आलेल्या आहेत. लोकांना चांगली आरोग्य सेवा देण्यासाठी आरोग्य केंद्राचे कर्मचारी प्रयत्न करीत आहेत. वीज व पाणी पुरवठाही सुरळीत करण्यावर भर देण्यात आलेली आहे. लोकांना मूलभूत सुविधा पुरवण्यासाठी आपण प्रयत्नशील असल्याचे त्यांनी सांगितले.
नावेली मतदारसंघाच्या विकासासाठी आपण बरेच प्रकल्प सरकार दरबारी सादर केलेले आहेत. ते प्रकल्प मार्गी लागण्यासाठी थोडा वेळ जाण्याची शक्यता आहे. पुढील चार वर्षांच्या कार्यकाळात आपण नावेलीतील सर्व नियोजित प्रकल्प मार्गी लावणार असल्याचे आमदार लुईझिन फालेरो यांनी सांगितले.        

Related news

मोरजीत शौचालयाच्या दुर्गंधीमुळे स्थानिकांत संताप

दोन दिवसांत उपाययोजना न केल्यास रस्त्यावर उतरण्याचा इशारा Read more

संशयिताला पकडण्यासाठी तक्रारदाराकडून विमानाचा प्रवासखर्च घेतल्याची कबुली

पोलिस महानिरीक्षकांचे खंडपीठासमोर प्रतिज्ञापत्र; हेतू शुद्ध असल्याचा दावा Read more

खास दर्जाच्या यादीतून गोवा गायब

प्रस्ताव मान्यतेबाबत विचार नाही : निर्मला सीतारामन Read more

Top News

मॉविनना वाहतूक, विजयना वन खाते

मुख्यमंत्री प्रमोद सावंत यांच्याकडून अतिरिक्त खातेवाटप, गोवा फॉरवर्डच्या अन्य दोघा मंत्र्यांची बोळवण Read more

दोन अधिकाऱ्यांवर आरोपपत्र

२०११-१२ सालची नोकरभरती गोत्यात; मंत्री सहिसलामत, अधिकारी संकटात Read more

व्याजमुक्त शिक्षण कर्ज योजनेचे तीनतेरा

कार्यवाही न झाल्यास महामंडळाच्या अध्यक्षांना घेराव : काँग्रेसचा इशारा Read more

खास दर्जाच्या यादीतून गोवा गायब

प्रस्ताव मान्यतेबाबत विचार नाही : निर्मला सीतारामन Read more

संशयिताला पकडण्यासाठी तक्रारदाराकडून विमानाचा प्रवासखर्च घेतल्याची कबुली

पोलिस महानिरीक्षकांचे खंडपीठासमोर प्रतिज्ञापत्र; हेतू शुद्ध असल्याचा दावा Read more