अॅडिलेड : ऑस्ट्रेलियाविरुद्ध कसोटी मालिकेत विराट कोहली ८ धावा करून नवा कीर्तिमान रचू शकतो. ऑस्ट्रेलियात १ हजार कसोटी धावा पूर्ण करणारा तो भारताचा चौथा खेळाडू बनू शकतो. याआधी ऑस्ट्रेलियात सचिन तेंडूलकर, व्हीव्हीएस लक्ष्मण व राहुल द्रविड यांनी १ हजार धावांचा टप्पा गाठलेला आहे.
ऑस्ट्रेलियात भारतीय कर्णधार विराट कोहलीच्या नावावर सध्या ८ सामन्यांच्या १६ डावांमध्ये ९९२ धावा केल्या आहेत. यादरम्यान त्याने ५ शतक व दोन अर्धशतकही लगावले आहे. त्याची सरासरी ६२.०० अशी आहे.
ऑस्ट्रेलियात सर्वाधिक कसोटी धावा काढणाऱ्या भारतीयांमध्ये मास्टर ब्लास्टर सचिन तेंडूलकर पहिल्या क्रमांकावर आहे. तेंडूलकरने २० सामन्यांच्या ३८ डावांमध्ये ५३.२०च्या सरासरीने १८०९ धावा केल्या आहेत. त्याच्या नावावर ६ शतके व ७ अर्धशतकांची नोंद आहे. सचिनने कसोटी कारकिर्दीतील दुसरी सर्वोच्च धावसंख्या २४१ ऑस्ट्रेलियातच रचली होती.
