कळंगुट परिसरात चालणाऱ्या वेश्याव्यवसायाविरोधात धडक मोहीम उघडलेल्या कळंगुट पोलिसांनी शनिवारी सापळा रचून तिघांना अटक केली. पोलिस निरीक्षक जीवबा दळवी यांच्या मार्गदर्शानाखालील पथकाने बिगर सरकारी संस्थेच्या साह्याने मूळ दिल्ली येथील तरुणीची सुटका केली.
कळंगुट येथे तरुणीला घेऊन आलेल्या दलालांना पोलिसांनी व्यवहार सुरू असतानाच ताब्यात घेतले. यावेळी रिट्झ गाडी क्र. जीए ०३ पी ९५४१ तसेच ५४ हजार रुपये जप्त करण्यात आले. पोलिसांनी सुशिलकुमार साहू (मुंबई), वीरू व संतोषकुमार सिंग (दिल्ली) यांना अटक केली आहे. पुढील तपास सुरू आहे.
