बाबूश मोन्सेरात यांच्या प्रवेशामुळे गोवा फॉरवर्ड बळकट
पणजी पोटनिवडणूक एकतर्फी होणार असून कॉँग्रेस पक्ष एकाकी पडणार आहे. पणजीत काँग्रेससाठी जागा उरलेली नाही हे अशोक नाईक यांनी माघार घेतल्यानंतर स्पष्ट होते, असे गोवा फॉरवर्डचे अध्यक्ष तथा मंत्री विजय सरदेसाई यांनी पत्रकारांशी बोलताना सांगितले.
बाबूश यांचा गोवा फॉरवर्ड प्रवेश पणजीत भाजपला फायदेशीर ठरणार का, असा प्रश्न पत्रकारांनी केला असता, बाबूश यांचा फायदा भाजपला होण्याची गरज नाही. कारण बाबूश हे गोवा फॉरवर्डचे आहेत. बाबूश यांच्यामुळेच काँग्रेसला २ जादा आमदार मिळाले होते, ते गोवा फॉरवर्डला मिळणार का, असे विचारले असता, राजकारणात दोन अधिक दोन २२ सुद्धा होऊ शकतात, असे उत्तर त्यांनी दिले.
भाजपच्या अंतर्गत व्यवहारांशी गोवा फॉरवर्डला देणेघेणे नाही, असेही सरदेसाई यांनी स्पष्ट केले.