योग प्रशिक्षकांना एकत्रित आणणार : मडकईकर

अकादमीचे केंद्रीय आयुषमंत्री श्रीपाद नाईक यांच्या हस्ते रविवारी पणजीत उद्घाटन

14th March 2018, 03:10 Hrs

प्रतिनिधी । गोवन वार्ता                               

पणजी :  राज्यातील वेगवेगळ्या माध्यमातून योग प्रशिक्षण देणाऱ्या व्यक्ती आणि संस्थांना एकत्रित आणण्यासाठी गोवा राज्य योग अकादमीची स्थापना करण्यात आली अाहे. गुढी पाडव्याच्या मुहूर्तावर या अकादमीचे उद्घाटन रविवारी (दि. १८) सकाळी ११ वाजता कला अकादमी येथे केंद्रीय आयुषमंत्री श्रीपाद नाईक यांच्या हस्ते होणार आहे, अशी माहिती अकादमीचे अध्यक्ष तथा समाजकल्याण मंत्री पांडुरंग मडकईकर यांनी मंगळवारी पत्रकार परिषदेत दिली.                                

यावेळी योग प्रशिक्षक डॉ. सूरज काणेकर, रामचंद्र भरणे, मिलिंद महाले, प्रदीप नागवेकर आणि नीलम मराठे हे अकादमीचे सदस्य उपस्थित होते. मडकईकर पुढे म्हणाले, अकादमीतर्फे योग शिक्षणाबरोबरच मानवता, शिस्त, स्वच्छता आणि नैतिक आचरण यांचेही संस्कार केले जाणार आहेत. अकादमीचे आजमितीस ४० सदस्य असून राज्यभरात कार्य पसरविण्याचा संकल्प आहे. अकादमीचे कार्य कला अकादमीतच सुरू करण्यासंदर्भात कला आणि संस्कृती मंत्र्यांशी बोलणी करण्यात आली आहेत. त्यांच्या परवानगीनंतर अकादमीच्या मोकळ्या जागेत योग प्रशिक्षण दिले जाणार आहे. प्रशिक्षण वर्ग पूर्ण करणाऱ्यास अकादमीच्यावतीने प्रमाणपत्र दिले जाणार आहे.                         

मंदिर, खुल्या जागेत प्रशिक्षण  

सध्या पतंजलीचे १५० ते २०० प्रशिक्षण वर्ग सुरू आहेत. प्रशिक्षण देताना मुले आणि वडीलधारी यांच्यासाठी स्वतंत्र वर्ग घेतले जातात. यासाठी मंदिर आणि खुल्या जागेचा उपयोग केला जातो. आम्ही पंचायत क्षेत्रात जागा निश्चित करून योगाचे धडे देण्याचे ठरवले आहे, असे डॉ. काणेकर यांनी सांगितले.                         

रविवारी उद्घाटन                        

योग अकादमीचे उद्घाटन रविवारी सकाळी ११ वाजता ब्लॅक बॉक्समध्ये होणार आहे. यावेळी कला आणि संस्कृती मंत्री गोविंद गावडे, ग्रामीण विकासमंत्री जयेश साळगावकर आणि अकादमीचे अध्यक्ष तथा वीजमंत्री पांडुरंग मडकईकर उपस्थित राहणार आहेत.

मंत्र्यांनी घेतला योगाचा ध्यास  

योग आणि माणुसकीचे धडे देण्यासाठी समाजकल्याण मंत्री पांडुरंग मडकईकर यांच्या अध्यक्षतेखाली योगप्रेमींनी स्थापन केलेल्या या अकादमीसाठी केंद्रीय आयुषमंत्री श्रीपाद नाईक, मुख्यमंत्री मनोहर पर्रीकर, कला व संस्कृती मंत्री गोविंद गावडे, ग्रामीण विकास मंत्री जयेश साळगावकर हे आश्रयदाते आहेत. डॉ. सूरज काणेकर हे अकादमीचे योगगुरू म्हणून काम पाहतील. राज्यातील चाळीसही मतदारकेंद्रांत एक योग केंद्र सुरू करण्यात येणार आहे. तसेच, एक विशेष कोर्स सुरू करण्याचा अकादमीचा मानस असल्याचे मंत्री मडकईकर यांनी सांगितले.

अकादमीचा उद्देश

  राज्यभर योग प्रसार करणे                  

  शाळा, महाविद्यालये आणि ज्येष्ठ नागरिकांना प्रशिक्षण देणे                  

  क्रीडा शिक्षक आणि शिक्षकांना प्रशिक्षण देणे                  

  प्रमाणपत्र प्रशिक्षण वर्गांचे आयोजन करणे                  

  रोजगार निर्मितीक्षम प्रशिक्षण देणे                  

  निवासी योग शिबीर आणि कार्यशाळा आयोजित करणे                  

  सरकारी कर्मचारी, धार्मिक संघटना, क्रीडा आणि संस्कृती संघटना, स्वयंसाहाय्य गटांना प्रशिक्षण                  

  युवकांना वाममार्गापासून परावृत्त करणे                  

  गोवा स्वच्छ, प्लास्टिकमुक्त करणे

Related news

भारतीय आंतरराष्ट्रीय विज्ञान चित्रपट महोत्सवाचे २५ रोजी उद्घाटन

राज्यातील शंभर उच्च माध्यमिक विद्यालयांचा सहभाग Read more

राज्यात पाच ठिकाणी सामूहिक मधुमेह केंद्र सुरू करणार

विश्वजित राणे : चेजिंग डायबिटीज बेरोमीटर कार्यक्रमाचे आयोजन Read more

सरकारच्या योजना सर्वसामान्यांसाठी : पर्यटनमंत्री

पेडणेतील तीस लाडली लक्ष्मी लाभार्थीना मंजुरी पत्रांचे वाटप Read more

Top News

पाणीपुरवठा सुरळीत न केल्यास तीव्र आंदोलन

खोलावासीयांचा पाणी पुरवठा कार्यालयावर मोर्चा Read more

राजकीय निर्णय आज किंवा उद्या

भाजपाध्यक्ष अमित शहा घेणार निर्णय; विनय तेंडुलकर, सावईकर गोव्यात परत Read more

मगोच्या पाठिंब्यासाठी काँग्रेसकडून फिल्डिंग

बहुमताचे गणित जुळविण्यासाठी धडपड सुरू Read more

गव्याच्या हल्ल्यात आणखी एकाचा मृत्यू

कावरे पिर्ला येथील घटना; स्थानिकांत घबराट, गव्याला पकडण्याची मागणी Read more