ऑस्ट्रेलियाची अष्टपैलू ए​लिस पहिल्या स्थानावर

आयसीसीच्या क्रमवारीत मिथाली, हरमनप्रीतची घसरण

16th February 2018, 08:55 Hrs

दुबई :
ऑस्ट्रेलियाची अष्टपैलू ए​लिस पेरीने भारतीय महिला संघाची कर्णधार मिथाली राजला मागे टाकत आयसीसीच्या महिलांच्या एकदिवसीय क्रमवारीत पहिले स्थान मिळवले. अष्टपैलू क्रमवारीत पहिल्या स्थानावरील पेरीने पहिल्यांदाच आयसीसीच्या फलंदाजांच्या क्रमवारीत पहिले स्थान मिळवले.
ऑस्ट्रेलियाची कर्णधार मेग लॅनिंग व मिथाली राज अनुक्रमे दुसऱ्या व तिसऱ्या स्थानावर आहे. पेरीने या आठवड्याच्या सुरुवातीला ऑस्ट्रेलियाच्या महिला क्रिकेटर ऑफ दी ईयरसाठी दुसऱ्यांदा बेलिंडा क्लार्क पुरस्कार जिंकला होता. मागच्या वर्षी ऑक्टोबर महिन्यात मिथालीने लॅनिंगसोबत पहिले स्थान मिळवले होते. मिथालीने दक्षिण आफ्रिकेविरुद्ध २-१ने विजय मिळवलेल्या सामननयात ४५, २० व ४ धावा केल्या होत्या.
हरमनप्रीतची घसरण
भारताची हरमनप्रीत कौर पाचव्या स्थानावरून सातव्या स्थानावर घसरली आहे तर स्मृती मंधाना १४ स्थानांची झेप घेत २१व्या क्रमांकावर पोहोचली आहे. स्मृतीने दक्षिण आफ्रिकेविरुद्ध झालेल्या एकदिवसीय मालिकेत ८४, १३५, ० धावा करत मालिकावीराचा पुरस्कार पटकावला होता. गोलंदाजीत दक्षिण आफ्रिकेची मॅरिकोन कॅप पहिल्या तर भारताची वेगवान गोलंदाज झूलन गोस्वामी दुसऱ्या स्थानावर कायम आहेत.

Top News

पाणीपुरवठा सुरळीत न केल्यास तीव्र आंदोलन

खोलावासीयांचा पाणी पुरवठा कार्यालयावर मोर्चा Read more

राजकीय निर्णय आज किंवा उद्या

भाजपाध्यक्ष अमित शहा घेणार निर्णय; विनय तेंडुलकर, सावईकर गोव्यात परत Read more

मगोच्या पाठिंब्यासाठी काँग्रेसकडून फिल्डिंग

बहुमताचे गणित जुळविण्यासाठी धडपड सुरू Read more

गव्याच्या हल्ल्यात आणखी एकाचा मृत्यू

कावरे पिर्ला येथील घटना; स्थानिकांत घबराट, गव्याला पकडण्याची मागणी Read more