पणजी, फोंडा, वास्कोचा आराखडा होणार रद्द

विशेष प्रतिनिधी -गोवन वार्ता

पणजी: पणजी, वास्को आणि फोंडा शहरांचे बाह्य विकास आराखडे (ओडीपी) रद्द करण्याचासरकारचा विचार आहे. त्यावर येत्या काही दिवसात शिक्कामोर्तब होणार आहे. नगर नियोजनमंत्री विजय सरदेसाई विधानसभेत त्याविषयी घोषणा करतील. दरम्यान मडगांवच्या बाह्यविकास आराखडा रद्द होणार नाही. पण इतर सर्व आराखडे रद्द करून नव्याने तयारकरण्याचे काम हाती घेतले जाईल.

कळंगुटचा बाह्यविकास आराखडा तयार करण्याचे काम पूर्णत्वास आले असून सूचना व हरकतींसाठी ओडीपीचामसुदा खुला केला आहे. हा मसुदा साठ दिवस खुला राहील त्यानंतर आलेल्या सूचना वहरकती विचारात घेऊन अंतिम मसुदा जाहीर होईल.