मासे विक्रेत्यांचे पालिका, पोलिसांना आव्हान

बायणातील प्रकार : नगराध्यक्ष, मुख्याधिकाऱ्यांचे आश्वासन फोल

13th February 2018, 03:59 Hrs

प्रतिनिधी। गोवन वार्ता      

वास्को : बायणातील ठिकठिकाणच्या रस्त्याच्या वळणावर अतिक्रमण करून मासे विक्री करणाऱ्या महिलांनी मुरगाव पालिका व पोलिसांसमोर आव्हान उभे केले आहे. या महिलांना रस्त्यावरून हटविण्यात येईल, असे आश्वासन मुरगावचे नगराध्यक्ष दीपक नाईक व मुख्याधिकारी आग्नेलो फर्नांडिस यांनी वारंवार दिले आहे. परंतु, अद्यापपर्यंत त्या मासे विक्रेत्यांना हटविण्याचा मुहूर्त त्यांना मिळालेला नाही.       

शहर भागातील रस्त्यावर अतिक्रमणे करून मासे विक्री करणाऱ्या विक्रेत्यांना हटविण्यासाठी मुरगाव पालिकेने वीस दिवसांची मुदत मागितली आहे. मात्र, बायणातील मासे विक्रेत्यांची रस्त्यावरील अतिक्रमणे हटविण्यासाठी मुरगाव पालिका काय करणार आहे, हे अद्याप जाहीर झाले नाही. बायणामध्ये मासळी मार्केट आहे. त्या मार्केटात काही महिला मासे विकतात. परंतु, वळणावरील रस्त्यावर अतिक्रमणे करून तेथे मासे विक्री करणाऱ्या महिलांमुळे मार्केटातील महिलांच्या व्यवसायावर मोठा परिणाम झाला आहे. यासंबंधी मुरगाव पालिका, वास्को पोलिस यांना निवेदने देऊन, विनंत्या करूनही काहीच कारवाई झालेली नाही. रस्त्याच्या कडेला बसणाऱ्या मासे विक्रेत्यांविरुद्ध कारवाई करण्यात यावी, यासाठी बायणातील रहिवाशांनी सह्यांचे एक निवेदन दिले होते. मात्र, एक महिना उलटला तरी त्या

मासे विक्रेत्यांविरुद्ध कारवाई करण्याचा मुहूर्त पालिकेला मिळालेला नाही.

 संबंधित मासे विक्रेत्या महिला कोणालाही जुमानत नाही. यामुळे त्यांनी पालिका व पोलिसांसमोर एक प्रकारे आव्हानच उभे केले आहे. 

Related news

कामगारांचे प्रश्न सोडविण्यासाठी आयोग स्थापन करावा

कामगार नेते अजितसिंग राणे यांची मागणी Read more

थकीत भाडे : दुकानांना टाळे

वाळपई पालिकेची कारवाई : पंधरा दिवसानंतर जप्तीची कारवाई करणार Read more

दोन वर्षांत ३ हजार लोकांना नोकरी

अतारांकित प्रश्नाला कामगार मंत्र्यांचे लेखी उत्तर Read more

Top News

कॉर्पोरेशन बँकेला ३१ लाखांचा गंडा

बनावट सोने तारण ठेवून घेतले कर्ज, दाम्पत्यासह सोनाराविरोधात गुन्हा दाखल Read more

त्या उपनिरीक्षकाची बदली

वेर्णा पोलिस स्थानकातून राखीव दलात रवानगी Read more

अर्शलाला न्याय द्या

आत्महत्येस प्रवृत्त करणाऱ्या उपनिरीक्षकावर कारवाईची कुटुंबियांची मागणी Read more

म्हापशात वाहतूक पोलिसाला ठोकरले

बांबोळी येथे दाखल, इको कारचालकाला अटक Read more